Nakatakdang pagpulungan ng mga alkaldeng bumubuo sa Metro Manila Council kung imumungkahi na bang alisin o palawigin pa hanggang Hunyo 1 ang modified enhanced community quarantine (MECQ) sa rehiyon.
Ayon sa Parañaque P.I.O, gaganapin ang pulong sa Metro Manila Development Authority Office sa darating na Miyerkules, Mayo 27.
Matapos ang pulong, ipapadala ng mga alkalde ang kanilang rekomendasyon sa Inter-Agency Task Force for the Management of Emerging Infectious Diseases (IATF-EID) na magdedesisyon naman sa naturang usapin.
