Nasa P60 milyong halaga ng mga smuggled na pyrotechnics at paputok ang itinurn over ng Bureau of Customs (BOC) sa Philippine National Police (PNP).
Ayon sa BOC, nakalagay ang mga ito sa 12 mga container van na kanilang naharang matapos mabigong makapagpakita ng kinauukulang import clearance ang mga consignee nito.
Natukoy na naka-consigned ang kargamento sa mga kompanyang Stellent Corporation at Grinder Stone International Trading.
Dahil dito, ipinauubaya na ng BOC sa firearms at explosives office ng PNP ang pagwasak sa mga nabanggit na ipinuslit na mga paputok at pyrotechnics.
