Nasabat ng PDEA-NCR at PDEA Calabarzon ang P6.8-million na halaga ng shabu mula sa dalawang big time drug suspects sa Bacoor, Cavite kagabi.
Kinilala ang mga suspek bilang alyas ‘Ato’ at alyas ‘Mohammad’.
Ayon kay PDEA Special Enforcement Service Dir. Levi Ortiz, gumagamit ang mga suspek ng mamahaling mga sasakyan sa kanilang pakikipagtransaksyon.
Gamit aniya ang isang Ford Everest, nakipagkita ang mga suspek sa poseur buyer sa isang mall at matapos makuha ang pera ay nagpalit na rin sila ng sasakyan at ibinigay ang shabu.
Nabatid na isang Chinese syndicate umano na nakakulong ngayon sa National Bilibid Prison ang pinagkukunan ng dalawang suspek ng droga.
Gayunman, itinanggi ng mga suspek na sila ay sangkot sa pagbebenta ng bawal na gamot at iginiit na sila ay napag-utusan lamang ng isang alyas ‘Butch’.
