Umaapela ang mga manggagawa at maliliit na negosyante sa pamahalaan na tutukan ang pagbibigay ayuda, umento sa sweldo at pautang.
Ito’y para makatulong sa mga nasa mga nabanggit na sektor sa pagbangon ng ekonomiya na labis na pinadapa ng COVID-19 pandemic.
Ayon kay Bayanmuna Rep. Carlos Zarate, mas mahalaga aniyang matutukan ang mga nabanggit na suliranin kaysa atupagin ng pamahalaan ang pag-amiyenda sa saligang batas o charter change.
Pero sagot ni Acting Socio-Economic Planning Secretary Karl Kendrick Chua, handa na ang P100 bilyong pondo ng pamahalaan para sa ayuda.
Idaraan aniya iyon sa Pantawid Pamilyang Pilipino Program (4 P)’s sa kundisyong kailangang maging kasabay nito ang pagbangon ng ekonomiya sa pamamagitan ng pagbabalik trabaho ng maraming sektor.
