Sumakabilang buhay na sa edad na pitumpu (70) ang songwriter na si Wilfredo “Willy” Buencamino Cruz.
Ayon sa pamangkin nito na si Cheska Mae Africa, sumakabilang buhay si Cruz kahapon ng madaling araw habang naka-confine sa St. Luke’s Medical Center sa Quezon City matapos na ma-stroke noong isang linggo.
Ang labi ni Cruz ay ibuburol sa Loyola Memorial Chapels sa Makati simula ngayong hapon, at posible itong i-cremate sa Sabado.
Kasama sa mga isinulat ni Cruz ay ang mga kantang “Bituing Walang Ningning,” “Sana’y Wala ng Wakas,” “May Minamahal,” at “Kumusta Ka.”
By Katrina Valle
*Photo Courtesy: Viva Records