Balik-bansa ang American pop rock band na One Republic para sa kanilang performance sa MTV Music Evolution Manila 2016 sa Mall of Asia Concert Grounds na gaganapin ngayong araw, Biyernes.
Dumating ang grupo sa pangunguna ni Ryan Tedder sa Manila nitong Huwebes ng hapon at nag-post ng isang larawan sa Makati kung saan may caption na “Rush hour in Manila.”
Ang Grammy-winning band ay isa sa mga big act sa nasabing music festival.
Isa sa mga pinasikat na kanta ng grupo ay ang Counting Stars.
Kasama rin sa MTV music festival ang ilang local stars katulad nina James Reid, Nadine Lustre, Gary at Gab Valenciano.
Matatandaang dapat sana’y magpe-perform din sa event si Sarah Geronimo ngunit nag-back out ito dahil sa ilang isyung pang-kalusugan.
