Nanawagan ang isang grupo ng Overseas Filipino Workers o OFW’s sa Pangulong Rodrigo Duterte na isulong muli ang peacetalks sa NDFP o National Democratic Front of the Philippines.
Ayon sa Kabayan for Change, ninanais din nilang magkaroon ng pagbabago at kapayapaan sa bansa lalo na’t napu-puwersa silang iwanan ang kanilang pamilya gayundin ang bansa para mag trabaho sa ibang bansa.
Naniniwala ani ito ang mga OFW’s sa iba’t ibang bansa na ang pagpapatuloy ng peacetalks ay magdudulot ng makabuluhang pagbabago.
Sinabi ng grupo na magiging kaawa-awa ang sitwasyon kung hindi matutuloy ang negosasyon dahil lamang sa isang isolated incident gayung mayroon ng mga breakthrough tulad nang pagpapalaya sa political prisoners.
By Judith Larino
