Magiging maaliwalas ang panahon sa Metro Manila at buong bahagi ng Luzon pero asahan na may thunderstorms pa rin sa hapon hanggang sa gabi.
Ayon kay PAGASA Weather Specialist Ana Clauren, posibleng umabot sa 24 hanggang 34 degrees celsius ang agwat ng temperatura sa Tuguegarao dahil pa rin sa easterlies o hangin na nagmumula sa silangang bahagi ng Pacific Ocean.
Wala namang inaasahang malawakang mga pag-ulan sa Visayas at Mindanao kaya magiging maaliwalas ang panahon sa umaga hanggang tanghali habang mataas naman ang mga isolated rain showers sa hapon hanggang sa gabi dulot ng localized thunderstorm.
Agwat ng temperatura sa Metro Manila ay maglalaro sa 26 hanggang 33 degrees celsius habang sisikat naman ang haring araw mamayang 5:27 ng umaga at lulubog naman ito mamayang 6:26 ng hapon.
