I-stranded sa Ninoy Aquino International Airport (NAIA) ang nasa 200 Overseas Filipino Workers na patungo sanang Riyadh, Saudi Arabia.
Ito ay matapos makansela ang nakatakda nilang biyahe kahapon.
Batay sa ulat, unang naka-schedule umalis ng Pilipinas patungong Riyadh ang Philippine Airlines Flight PR654 ng alas -11:45 kahapon ng umaga.
Gayunman na-reschedule ito ng alas-2 ng hapon hanggang sa tuluyang makansela.
Dahil dito, nangangamba ang mga papalis na sanang OFW’s na mapaso na ang kanilang negative swab test results pagdating ng Riyadh.
Alinsunod sa patakaran ng Saudi Arabia, kinakailangang makapag-presenta ng negative swab test result ang mga biyahero, 72 oras o tatlong araw bago dumating sa naturang bansa.