May napipisil nang kandidato sa pagka-Pangulo ang Partido Nacionalista para sa 2016 Presidential Elections.
Ito ang kinumpirma ni Las Piñas Rep. Mark Villar ngunit tumanggi muna itong banggitin kung sinu-sino ang mga ito.
Sinabi ni Villar, nasa lebel pa rin ng konsultasyon ang partido sa kanilang mga miyembro sa kung sino ang bubuo sa kanilang senatorial line up.
Ngunit may pahaging ang mambabatas kay Senadora Grace Poe na aniya’y mabait, magaling at matalinong Senador ngunit hindi na siya nagbigay pa ng anumang reaksyon kung ito na nga ba ang kanilang susuportahan.
By Jaymark Dagala
