Bumaba pa sa -4% ang COVID-19 growth rate sa National Capital Region mula sa dating -1%.
Gayunman, nilinaw ni OCTA Research Group Fellow, Dr. Guido David na nananatiling nasa “very high risk” classification ang NCR.
Ayon kay David, bumagal din ang reproduction rate sa 2.37 mula sa 2.67%.
Ang reproduction number ay tumutukoy sa bilang ng mga nahahawang tao sa isang COVID-19 positive individual at ang reproduction rate na mababa sa 1 ay indikasyon na bumabagal na ang hawaan.
Kahapon anya ay umabot lamang sa 13,543 additional COVID-19 cases ang naitala sa Metro Manila, ang pinaka-mababang new cases simula noong January 6.
Binigyang-diin ni David na kailangang ipagpatuloy ang pagiging maingat ng publiko hangga’t bumaba muli sa moderate risk classification ang NCR at kailangang i-monitor ang trends sa susunod na linggo dahil maaaring mayroong backlogs at late reports.
