Nakatanggap ang National Bureau of Investigation (NBI) ng utos na ilipat ang aktor at television host na si Vhong Navarro sa Taguig City Jail.
Ayon sa ahensya, isasailalim si Navarro sa mandatory medical examination, kabilang ang RT-PCR test bilang pagsunod sa health protocols.
Nilinaw naman ni Attorney Maggie Garduque, na mula sa legal team ng aktor na hindi ngayong araw mangyayari ang paglipat.
Noong September naghain ng kasong rape ang Taguig Prosecutors Office laban kay Navarro dahil sa umano’y sapilitang panggagahasa sa model-stylist na si Deniece Cornejo noong January 2014.
