Naniniwala ang isang ekonomista na krisis nang matatawag ang nararanasan ng mga Pilipino bunsod ng walang prenong bigtime oil price hike at pagtaas ng presyo ng mga bilihin taliwas sa pahayag ng gobyerno.
Ayon kay Professor Emmanuel Leyco, dating pangulo ng Pamantasang Lungsod ng Maynila, pinaka-apektado ang mga minimum wage earner at unti-unti na ring lumalatay ang epekto ng krisis sa mga nasa middle class.
Nakukulangan din si Leyco sa mga hakbang ng pamahalaan upang maibsan ang epekto ng pagmahal ng langis kasabay ng pagsopla sa pahayag ng pamahalaan na hindi dapat mag-panic ang publiko.
Samantala, suportado ng ekonomista ang hirit na suspendihin excise tax sa krudo pero mas makatutulong sa mga mamamayan kung isasama na rin ang value-added tax at pagrepaso sa oil deregulation law.
