Tiniyak ni Department of Social Welfare and Development (DSWD) Secretary Dinky Soliman na nakahanda sila sa imbestigasyon na gagawin ng senado hinggil sa mga donasyon na ibinigay sa bansa matapos manalasa ang bagyong Yolanda.
Sinabi ni Soliman na ikinatutuwa nila ang pagpapatawag ni Senator Miriam Defensor – Santiago ng imbestigasyon, dahil isa itong pagkakataon para maipaliwanag nila ang kanilang panig.
Iginiit ni Soliman na maliban sa wala silang itinatago, hindi din makatwiran ang mga lumalabas na ulat lalo na para sa kanilang mga kawani na nagbuwis ng buhay para rumesponde.
By Katrina Valle
