Tatanggap ng mga benepisyo mula sa gobyerno ng Israel ang pinalayang bihag na Pilipino ng Palestinian militant group na Hamas.
Ito ang inanunsyo ni Philippine Ambassador to Israel Pedro Laylo Jr. hinggil sa pinalayang caregiver na si Gelienor ‘Jimmy’ Pacheco ng militanteng grupo.
Ayon kay Ambassador Laylo, tatanggap si Pacheco at pamilya nito ng habang buhay na social security benefits, at regular stipends mula sa pamahalaan ng Israel.
Matatandaang, napabilang si Pacheco sa unang batch ng hostages na pinalaya ng Hamas, sa gitna nang pansamantalang tigil-putukan nila sa Israeli forces. - sa panulat ni Charles Laureta
