Nakatakdang ikasa ng pamunuan ng Ninoy Aquino International Airport (NAIA) ang heightened alert status hanggang Hunyo 20 sa gitna ng inaasahang pagdagsa ng mga pasahero para sa pagbubukas ng klase.
Ito’y bilang bahagi ng “Oplan Ligtas Biyahe: Balik Eskwela 2016” ng Manila International Airport Authority.
Tiniyak naman ni MIAA General Manager Jose Angel Honrado na handang i-accommodate ng airport ang mga estudyante at guro na babalik sa mga paaralan.
Bagaman hindi Hunyo ang pinaka-abalang buwan para sa mga paliparan, siniguro rin ni Honrado na ang lebel ng seguridad na kanilang ipatutupad ay katulad ng security measures tuwing peak season.
Noong June 2015, umabot sa 2.9 million ang volume ng mga pasahero kumpara sa 2.8 million sa kaparehong panahon noong 2014.
By Drew Nacino
