Balik na sa normal na operasyon ang MRT-3 simula bukas araw ng Martes.
Ito’y matapos ang pagpapatupad ng adjusted operating hours nitong Pasko at Bagong Taon.
Sa abisong inilabas ng pamunuan ng tren, ang unang biyahe ay magsisimula ng 4:36 a.m mula sa North Avenue station, at 5:18 a.m naman mula sa Taft Avenue station.
Habang ang huling biyahe ay hanggang 9:30 p.m. mula sa North Avenue, at 10:11 p.m. mula sa Taft Avenue station.
Kaugnay nito, patuloy pa rin ang pagpapatupad ng health at safety protocols sa MRT-3 gaya ng pagsusuot ng facemask, bawal na pakikipag-usap sa loob ng tren, pagbawal sa pagkain at pag-inom, at patuloy na pagsasagawa ng disinfection. —mula sa ulat ni Tina Nolasco (Patrol 11)
