Iginiit ng singer-song writer na si Moira Dela Torre na walang kuneksiyon sa asawang si Jason Hernandez ang kaniyang bagong kanta na “Babalik Sayo.”
Kasunod ito ng pag-duet ni Moira sa isang tiktok video na nagcover sa kaniyang bagong kanta na kasalukuyang patok sa mga netizen.
Agad na nagbigay ng kumento ang mga netizen kasabay ng pagkalat ng ilang espekulasyon na ang kantang ginawa ng singer ay para umano sa kaniyang asawa.
Agad namang nagreact si Moira at itinanggi ang naturang espekulasyon hinggil sa kaniyang kanta.
Bukod pa dito, pinasalamatan din ni Moira ang lahat ng kaniyang taga-suporta pero nilinaw niya na hindi siya magiging marupok at ginawa niya lamang ang kanta para sa isang prime time series.
Matatandaang naghiwalay ang mag-asawa noong Mayo makaraang aminin ni Jason na naging “unfaithful” siya kay Moira.
