Napapanahon na upang taasan ang multa para sa mga pasaway na motoristang patuloy na lumalabag sa mga batas trapiko.
Ayon yan sa Metro Manila Development Authority o MMDA makaraang aprubahan ng Metro Manila Council ang resolusyon na nagtatakda ng pinag-isang multa para sa dalawampung (20) nangungunang paglabag na naitala ng ahensya.
Ayon kay Celine Pialago, tagapagsalita ng MMDA, kung tutuusin aniya, ang Metro Manila na ang may pinaka mababang multa na ipinapataw sa mga motoristang pasaway kumpara sa ipinapataw ng mga lokal na pamahalaan
“Kami nalang ho sir sa buong Metro Manila kung ano ho at naturingan pa tayong Metro Manila Development Authority na isang ahesnya under the office of the president, kami ho ang may pinakamababa. Ang disregarding traffic signs ho namin nasa 150 pesos lang. Ang illegal loading at unloading nasa 150. Ang violation ho ng number coding ay 300. So ang naging approach ho natin dito, lahat po ng top 20 na lagi hong kino-commit na violation, pinagsama-sama ho natin, kinompare ho natin sa LGUs, ngayon kung sino ho among the LGUs ang may pinakamataas na fine, doon ho natin pinattern yung ano ho ng MMDA.”
Kasunod nito, inaasahan ng MMDA na magbabalangkas na rin ng kani-kanilang ordinansa ang mga lungsod at bayan sa Metro Manila para sundin ang ipinasang resolusyon.
Pero paglilinaw ni Pialago, tiyak na papantay lamang sa mga lokal na pamahalaan ang anumang multa na kanila namang ipatutupad.
“May mga ibang violation ho na mas mataas po sila at meron din naman po yung ibang syudad kagaya ho ng counterflows. Sa amin ho nasa 2,500+ seminars ho yan, ganun ho ang range ng penalty. If I’m not mistaken sa Mandaluyong, nasa limang libo (5,000) yan. Mandaluyong or Makati. Doon ho natin binase sir atleast ho hindi tayo nakakahigit or nakakalamang doon sa violation fee ng ibang syudad, pumapantay lang din ho tayo. Mahirap naman din yung napagiiwanan na tayo sa usapin ng violation.”
