Patay ang isang hinihinalang miyembro ng New People’s Army (NPA) sa engkuwentro sa San Ildefonso Bulacan.
Nakilala ang nasawing rebelde bilang si alyas Buddy na miyembro ng Kilusang Larangang Gerilya Sierra Madre ng Central Luzon Regional Committee.
Ayon sa Northern Luzon Command, nangyari ang engkuwentro pasado alas-8:00 ng gabi nang Miyerkoles sa Barangay Nabaong Garlang.
Narekober naman sa lugar ng engkuwentro ang isang kalibre 38 baril, tatlong rounds ng mga bala, isang motorsiklo at backpack.
Samantala, wala namang naiulat na nasawi o nasugatan sa panig ng militar.
—-
