Nagbigay-pugay si Ms. Universe Pia Wurtzbach sa tanggapan ni Manila Mayor Joseph Estrada at sa Senado.
Binigyan ng arrival honors sa City Hall ng Maynila si Pia at nagkaroon rin ng maikling programa sa Manila Quadrangle.
Binigyan ni Mayor Erap si Pia ng susi ng Maynila bilang simbolo na laging bukas ang syudad para sa kanya.
Matapos ang courtesy call sa Maynila ay dumiretso naman sa senado si Pia.
Ipinagkaloob kay Pia sa senado ang resolution no. 111 na kumikilala sa karangalang ibinigay nya sa bansa matapos mapanalunan ang korona bilang Ms. Universe.
Sa kanyang maikling talumpati, ibinahagi ni Pia ang kanyang naramdaman nang makita nyang iwinawagayway ng mga Pilipino ang bandila ng Pilipinas habang siya ay nasa stage ng Ms. Universe pageant.
By Len Aguirre | Aya Yupangco (Patrol 5) | Cely Bueno (Patrol 19)
