Dismayado si Dr. Clarito Cairo, Medical Officer 4 at Department of Health (DOH) Program Manager for Cancer sa pagkakaroon umano ng mismanagement sa cancer funds at pagbabawas ng medicine access sites sa bansa.
Inamin sa DWIZ ni Cairo na bagaman 756 million pesos ang pondo para sa naturang programa noong 2021, sumampa ito sa 786 million noong 2022 at lumobo sa 900 million ngayong taon.
Gayunman, bumaba sa 19 ang medicine access site kung saan kumukuha ng libreng gamot ang mga nakikipaglaban sa cancer noong nakaraang taon kumpara anya sa 31 noong 2021.
Dahil dito, lubhang naapektuhan ang mga naka-enroll na cancer patient noong taong 2021 dahil sa late procurement ng mga gamot na nagresulta aniya sa pagkakamatay ng isang pasyente noong 2022 at bukod dito ay dismyado rin si cairo sa pagbaliwala sa kaniyang rekomendasyon hinggil sa pangangasiwa sa naturang programa.
Samantala, inireklamo ng opisyal sa pamunuan ng doh ang pag-bypass sa kaniya at bagaman may natanggap na tugon, hindi umano siya kuntento rito. - sa panulat ni Hannah Oledan
