Dalawang buwan matapos masunog, muling naidaos ang isang misa sa tanyag na Notre Dame Cathedral sa Paris, France.
Isinagawa ang naturang misa sa isa sa mga kapilya ng nasabing simbahan na hindi nadamay sa nangyaring sunog noong Abril.
Dinaluhan ito ng maliit na kongregasyon kung saan mula sa pari hanggang sa mga nagsisimba ay pawang nakasuot ng kulay puting safety hats.
Layon ng nasabing misa na ipakita na tuloy-tuloy ang pagbabalik normal ng buhay sa loob ng simbahan sa kabila ng trahedyang kinaharap nito.
Sa ngayon, nasa 10 porsyento pa lamang ng kabuuang 850 milyong euros ang natanggap ng French Government mula sa mga ipinangakong tulong sa simbahan.