Pinangangambahang patay ang 13 kataong sakay ng bumagsak na helicopter sa Indonesia.
Ayon sa ulat, pawang mga military officer ang sakay ng nadisgrasyang chopper na bumagsak sa Kasiguncu Village sa Poso District na kilalang kuta ng isa sa mga radikal na grupo sa bansa.
Nito lamang nakalipas na buwan ay bumagsak din ang isang turbo propeller plane ng militar sa isang test flight kung saan tatlo ang nasawi.
Spain
Patay ang 13 katao habang sugatan ang higit 40 nang maaksidente ang isang bus sa Northeastern Spain.
Ayon kay Regional Government Official Jordi Jane, lulan ng naturang bus ay mga European exchange students mula sa iba’t ibang bansa.
Mula umano sa syudad ng Valencia ang bus nang sumadsad ito sa railing sa gilid ng daan at tumaob pa ng makailang ulit.
Pawang mga babae ang naitalang nasawi ngunit hindi naman tinukoy ang nasyonalidad ng mga ito.
By Rianne Briones
Photo Credit: AFP
