MILF kasama na sa kampanya ng gobyerno kontra droga

Tutulong ang MILF o Moro Islamic liberation Front sa kampanya ng gobyerno kontra iligal na droga.

Lumagda ang MILF at PDEA o Philippine Drug Enforcement Agency sa isang kasunduan sa kung paano makapagsasagawa ng mga anti-illegal drug operations sa mga lugar na nasa ilalim ng impluwensya ng MILF.

Ayon kay PDEA Chief Isidro Lapeña, magandang pahiwatig ang pagkakaroon ng isang protocol of cooperation sa pagitan nila ng MILF, na makatutulong pa lalo sa war against drugs ni Pangulong Rodrigo Duterte.

Nag-alok aniya ang MILF ng tulong sa pagsasagawa ng mga naturang operasyon sa mga MILF-influenced na lugar, kaya kailangan talaga nilang isama sa pagpaplano ang grupo.

Bagaman mayroong umiiral na mga mekanismo sa pagitan ng magkabilang panig sa pamamagitan ng ad hoc joint action group, sinabi ni Lapeña na lalaktawan na nila ang ilan sa mga hakbang dito gamit ang nasabing protocol upang mapabilis ang mga anti-drug operations sa mga lugar ng MILF.

By Meann Tanbio   

Comments

comments