Binuksan na rin ang mga tindahan ng paputok at pailaw sa Marcos highway sa bahagi ng Barangay Mayamot sa Antipolo City.
15 stalls ang nakahilera sa gilid ng highway na bukas 24 oras hanggang sa December 31.
Ayon sa mga nagtitinda doon, tulad sa Bocaue, Bulacan, ay marami rin silang itinitindang iba’t ibang paputok at pailaw.
Sinabi naman ng iba pang nagtitinda na mas mataas ng kaunti ang presyo ng kanilang mga produkto ngunit makatitipid naman aniya sa pagod sa pagbiyahe o pagpagasolina ang mga mamimili.
Mabibili ang isang balot ng 5 star sa halagang 15 pesos habang mabibili naman ang luces mula 100 pesos, 65 pesos ang trompillo, habang nagsisimula naman sa 150 pesos ang presyo ng Judas belt.
Umaasa naman ang mga nagtitinda na makakabenta sila ng marami upang makabawi sila ng puhunan ngayong taon.
