Umakyat na sa 221 ang bilang ng mga sundalo na nagpositibo sa COVID-19
Ito’y ayon kay Armed Forces of the Philippines (AFP) spokesman, Marine M/Gen. Edgard Arevalo ay matapos madagdagan ng dalawampu ang mga tinamaan ng virus sa kanilang hanay.
Gayunman, nasa 22 ang bilang ng recoveries habang nasa 126 naman ang cleared na sa virus at maaari nang bumalik sa kanilang pamilya at trabaho.
Sa ngayon, tiniyak ni Arevalo na ang lahat ng kanilang mga sundalo maliban sa mga tinamaan ng COVID-19 ay physically fit at kayang gampanan ang kanilang tungkuling bantayan at protektahan ang sambayanan sa gitna ng pandemya.
