Nananatiling kwestyonable ang kredebilidad ni Peter Joemel Advincula alyas Bikoy.
Ito ay sa harap ng pagbabago ng tono ni Bikoy at ang oposisyon naman ang kanyang idinidiin kahapon.
Tahasang sinabi ni National Capital Region Police Office (NCRPO) Chief General Guillermo Eleazar na isang malaking sinungaling si Bikoy na makailang ulit nang nagpabago bago ng pahayag.
Binigyang diin ni Eleazar na hindi dahil bigla na lamang pumanig sa administrasyon si Bikoy at sinisisi na ngayon ang oposisyon ay kanila na itong paniniwalaan.
Sinabi ng opisyal na patuloy na iimbestigahan ng Philippine National Police (PNP) ang mga paratang ni Bikoy na dapat naman nitong patunayan.
