Nadagdagan na umano ang mga sumasakay sa holiday bus express service ng Department of Transportation and Communications (DOTC).
Sa biyaheng Trinoma patungong Park Square sa Makati City, 19 na pasahero ang sumakay sa holiday bus express na umalis ng alas-6:15 kaninang umaga at para sa biyaheng alas-6:45 ng umaga.
Apat napu’t anim (46) naman ang sumakay sa holiday bus express na umalis ng alas-7:15 ng umaga mula Trinoma hanggang Park Square at 45 naman ng alas-7:45 ng umaga.
Pumalo naman sa 51 ang mga pasaherong sumakay sa nasabing ruta alas-8:00 ng umaga.
Una nang binabaan ang singil sa pasahe sa naturang holiday day bus express service.
By Judith Larino
