Negatibo sa covid 19 anti-gen test ang 5 senador na na-expose kay Defense Sec. Delfin Lorenzana na sina Senate President Tito Sotto III, Senador Francis Tolentino, Juan Miguel Zubiri, Joel Villanueva at Sherwin Gatchalian.
Sa kabila nito, magpapa RT PCR covid test pa rin sila sa weekend gayundin ang lahat ng iba pang senador at staff ng senado na nakasalamuha ni Lorenzana.
Kung mag negatibo sila sa swab test ay magpapatuloy sa Lunes ang budget deliberation.
Samantala, nag isyu si Senate Secretary Atty. Myra Villarica ng memo na nagsasaad na lahat ng bisita at resource persons na pupunta sa senado ay kailangan na may negative result ng covid-19 test, medical certificate at dapat na fully vaccinated. —sa panulat ni Hya Ludivico
