Ipinahinto na ni Tourism Secretary Bernadette Romulo – Puyat ang lahat ng proyektong nasa ilalim ng Tourism Promotions Board.
Ito ay sa gitna ng kontrobersiyang kinakaharap ni TBP Chief Operating Officer Cesar Montano kaugnay 80 Milyong Pisong Buhay Carinderia Program.
Ayon kay Puyat, ipinauubaya na niya sa Central Commission on Audit na alamin kung may anomalya sa naturang proyekto.
Ipinahayag ni Puyat ang kanyang pangamba na hindi dumaan sa bidding ang naturang proyekto at nanindigan ito na bilang kalihim ay mayroon siyang kapangyarihan na itama ang proseso.
Matatandaang personal na nagkausap si Puyat at Montano kung san nagpakita naman ng kahandaang makipagtulungan ang Tourism Promotions Board Chief.
