Lumobo na sa mahigit 50 ang nasawi sa coal mine accident sa Siberia, Russia.
Bukod sa mga minero, kabilang din sa mga nasawi ang anim na rescuer habang isa ang nakaligtas.
285 katao ang nasa mining site sa Kemerovo region nang sumiklab ang sunog hanggang sa ma-suffocate ang mga biktima.
Ipinag-utos na ni Russian President Vladimir Putin ang pagsasagawa ng tatlong araw na pagluluksa para sa mga biktima ng pinaka-grabeng mining accident sa bansa sa nakalipas na sampung taon. —mula sa panulat ni Drew Nacino
