Tiyak na may mananagot sa nangyaring riot sa loob ng New Bilibid Prisons (NBP) sa Muntinlupa City na ikinasawi ng 9 na preso nito.
Iyan ang inihayag ng Bureau of Corrections (BuCor) kasunod ng nagpapatuloy na imbestigasyon hinggil sa nangyaring gulo sa pagitan ng grupong commando at Sputnik kahapon.
Kinumpirma ni BuCor Spokesperson Gabriel Chaclag na may mga preso ring nasugatan sa nangyaring riot pero agad naman na itong nabigyan ng kaukulang lunas.
Nabatid na alas dos y medya kahapon ng madaling araw nang magsimula ang gulo sa pagitan ng mga nabanggit na grupo at natapos ganap na alas kuwatro ng umaga.
