Umakyat na sa 11 ang nasawi dahil sa pananalasa ng bagyong Dante sa ilang bahagi ng bansa.
Ayon ito sa huling ulat ng National Disaster Risk Reduction and Management Council (NDRRMC), kung saan dalawa ang iniulat na nawawala at tatlo ang sugatan.
Samantala, nasa mahigit 29,000 naman ang bilang ng mga pamilya na apektado ng bagyong Dante.
Sa bilang ng mga apektado, 241 pamilya ang kasalukuyang nananatili sa evacuation centers.
Sinabi naman ng PAGASA na lumabas na sa Philippine Area of Responsibility (PAR) ang bagyong Dante. — sa panulat ni Hyacinth Ludivico.
