Mahigpit na binabantayan ng Department of Trade and Industry (DTI) ang mga tindahan na nagbebenta ng christmas lights at christmas decoration ngayong holiday season.
Ayon sa DTI, isa sa kanilang minomonitor ang mga business establishment para alamin kung lehitimo o mayroong ICC mark ang kanilang mga paninda.
Sinabi ng ahensya na bago pa man pumasok ang buwan ng Disyembre ay nagsimula na silang bantayan ang lahat ng mga nagtitinda ng christmas lights kung saan nagpalabas narin sila ng listahan ng mga “certified” sa website ng Bureau of Philippine Standard o Facebook ng DTI.
Layunin ng naturang hakbang na mailayo sa panganib at mailigtas ang publiko ngayong kapaskuhan.
Sa ngayon, wala pang nakukumpiska ang DTI na mga kagamitang may kaugnayan sa pasko mula sa mga establisyimento at iba pang mga tindahan.
