Mainam pa rin na panlaban sa COVID-19 ang pagsusuot ng facemask at pagpapabakuna.
Ito ang iginiit ni Dr. Maricar Limpin, Immediate Past President ng Philippine College of Physicians, sa panayam ng DWIZ.
Ayon pa kay Limpin, maraming ayaw magpabakuna dahil sa maling impormasyon kaugnay sa COVID-19 vaccines.
Una nang sinabi ng Department of Health (DOH) na nasa 50 milyong Pilipino ang hindi pa nakakatanggap ng first booster shot.
Batay sa vaccination dashboard ng DOH hanggang nitong Disyembre a – sais, nasa 73.8 million individuals ang fully vaccinated na sa bansa.