Pinag-aaralan na ng Toll Regulatory Board (TRB) ang pagbibigay ng toll discount sa mga motoristang apektado ng mabigat na daloy ng trapiko sa South Luzon Expressway (SLEX).
Napagdesisyunan ito matapos hindi sumipot ang San Miguel Corporation sa dapat pagpupulong ng mga ito noong Biyernes, Oktubre 19.
Ayon kay Raymond Junia, private sector representative on the toll board, ang hindi pagsipot ng San Miguel ay indikasyon na hindi na ito maaaring magpataw ng gusto nilang presyo ng toll.
Matatandaang nagbigat ang daloy ng trapiko sa SLEX noong nakaraang buwan dahil sa konstruksyon ng Skyway Extension Project.
