Ibinunyag ni Pangulong Rodrigo Duterte na mga mining firms na nasagasaan ng mining closure at drug lords ang nagpopondo sa tangkang destabilisasyon laban sa gobyerno.
Ayon kay Pangulong Duterte, kilala niya ang mga kumikilos para sirain ang gobyerno maging ang mga nasa likod ng grupong tutol sa kumpirmasyon ni Environment Secretary Gina Lopez.
Tinangka rin anyang bayaran ang pulisya at militar ng mga financier para mahinain ang gobyerno pero hindi nagtagumpay ang mga ito.
Sinabi ni Pangulong Duterte na mayroon ding pondong nanggagaling sa Estados Unidos lalo na kapag sinasakyan ang mga kontrobersiyal na issue sa Pilipinas.
By Drew Nacino / Aileen Taliping (Patrol 23)
