Pinagbibitiw ng bagong Pangulo at Chief Executive Officer ng Philippine Health Insurance Corporation (PhilHealth) na si Dante Gierran ang lahat ng senior executive ng ahensya.
Ito ang kinumpirma ni Presidential Spokesman Sec. Harry Roque sa gitna na rin ng kinahaharap na kontrobersiya ng PhilHealth dahil sa kaliwa’t kanang katiwalian dito.
Bagama’t inamin ni Roque na hindi pa niya nakikita ang inilabas na memorandum ni Gierran, nakatanggap siya impormasyon hinggil sa nasabing kautusan kung saan, dawit din maging ang mga Vice President nito.
Gayunman, nilinaw ni Roque na walang dapat ikatakot ang mga hindi sangkot sa katiwalian sa PhilHealth dahil batid niyang nakabatay ang desisyon ni Gierran sa mga hawak niyang ebidensya.
