Pinawi ng Department of Agriculture (DA) ang alalahanin ng ilang magsasaka na alanganin na ang magtanim ngayong buwan ng Hulyo dahil sa banta ng nakaambang El Niño Phenomenon.
Ayon kay DA Field Operations Service Director U-Nichols Manalo, ligtas pa ang magtanim ngayon dahil may mga pag-ulan pang inaasahan ang PAGASA.
Katunayan, maraming lugar pa aniya ang makararanas ng above normal rainfall kaya naman dapat na simulan na aniyang ipunin ng mga framers na may small scale irrigation facilities ang tubig mula sa mga sobrang ulan.
Ayon pa sa DA, maaaring hanggang sa second quarter ng 2024 maramdaman ang impact sa agri-sector sa pagpasok ng dry spell o El Niño.
Kabilang naman sa ginagawa paghahanda ng D.A. sa El Niño ang pagmamapa sa mga lugar na posibleng tamaan nito at mga lugar na hindi maapektuhan ng El Niño at kung saang lugar ang maaaring mapataas ang produksyon.
Kasama rin sa plano ang pagsasagawa ng cloud seeding operations at pag-aalok ng drought resistant seeds.