Nagka-klase sa isang sports stadium sa Tandag City, Surigao del Sur ang siyam na tribal schools sa lalawigan.
Kabilang sa mga eskwelahang ito ay ang alternative learning center for agricultural and livelihood development sa Barangay Diatagon sa bayan ng Lianga.
Matatandaan na pinaslang umano ng Magahat Militia ang Executive Director ng naturang paaralan na si Emerito Samarca at gayundin sina tribal leaders Dionel Campos at Bello Sinzo.
Aabutin pa umano ng dalawang buwan ang mga lumikas na Lumad sa lungsod ng Tandag dahil sa paghahasik ng ligalig at karahasan ng militiamen sa kanilang komunidad.
By Jelbert Perdez
