Tinukoy ng Department of Health (DOH) ang anim na emerging hotspots ng coronavirus disease 2019 (COVID-19) o mga lugar kung saan mabilis ang pagkalat ng nasabing virus.
Ayon kay Health Undersecretary Maria Rosario Vergeire, kabilang dito ang Cebu City, Cebu Province, Ormoc City, Southern Leyte, Leyte at Samar.
Sinabi ni Vergeire na hindi pa masyadong marami ang kaso ng COVID-19 sa mga nasabing lugar subalit mabilis aniya ang pagtaas ng mga kaso rito kumpara sa ibang lugar.
Dahil ditto, ipinabatid ni Vergeire na nagpadala na ang DOH ng kagamitan para mapaigting ang testing capacity sa Cebu Province.
Mahigpit din aniya ang ipinatutupad na public health standards katuwang ang local government units at national task force sa mga nabanggit na lugar.
