Dapat nang ideklara ang state of emergency sa mga lugar na apektado ng El Niño.
Ito ang hiling ni Kabayan Representative Ron Salo kay Pangulong Rodrigo Duterte upang makapaghatid kaagad ng tulong ang pamahalaan sa mga magsasakang nasira ang mga pananim dulot ng El Niño.
Inirekomenda rin ng mambabatas na gamitin na ang $500 million na halaga ng disaster relief fund ng World Bank na ayon sa Department of Finance (DOF) ay maaaring gamitin kung kinakailangan.
Kaugnay nito ay dapat din aniyang huwag nang isali sa umiiral na election ban ang mga lugar na apektado ng tagtuyot para mas mapadali ang paghahatid ng tulong sa mga ito.