Umaapela sa Pangulong Rodrigo Duterte ang mga empleyado ng Commission on Elections o COMELEC na “insider” o taga-loob ang italagang kapalit ni resigned Chairman Andy Bautista.
Ayon sa COMELEC Employees Union, dapat ding insiders ang ipalit sa dalawang mababakanteng puwesto ng commissioners sa Pebrero ng taong 2018.
Binigyang – diin ng unyon na walang shortage o kakulangan ng mga qualified at competent individuals mula sa ranks kaya’t dapat ay taga-loob ang maitalaga sa mga mababakanteng puwesto sa komisyon.
Kasabay nito, hiniling ni Election Lawyer Atty. Romulo Macalintal sa Pangulong Duterte na ikunsider bilang kapalit ni Bautista at dalawang commissioners ang ilang abogado na mahigit sampung (10) taon nang nagsisilbi sa komisyong bilang election supervisors, election officers o regional directors.
