Nilinaw ni Bagong Henerasyon Party-list Representative Bernadette Herrera-Dy na walang magaganap na jeepney phaseout sa planong PUV modernization program ng pamahalaan.
Paliwanag ni Dy, tanging mga lumang unit ng jeep lamang ang maapektuhan ng phaseout at hindi lahat ng mga jeep.
Samantala, itinanggi naman ng Land Transportation Franchising and Regulatory Board o LTFRB na tanging mga dayuhang negosyante lamang ang makikinabang sa isinusulong na jeepney modernization program ng pamahalaan.
Tiniyak din ng LTFRB na bibigyan ng P80,000 subsidiya ang nasa 28,000 jeep sa ilalim ng PUV modernization program.
—-
