Nakahanda ang mga tsuper ng jeep na palawigin ang oras ng kanilang pamamasada sakaling maipatupad na ang bagong mall operating hours sa National Capital Region (NCR).
Simula sa Lunes, Nobyembre 14 magiging alas-11:00 na ng umaga hanggang alas-11:00 ng gabi ang mall hours sa Metro Manila bilang paghahanda sa pagdagsa ng mga mamimili habang papalapit ang Pasko.
Base sa karanasan, sinabi ni PISTON National President Mody Floranda, na tuwing Christmas season ay halos magdamag namang bumibiyahe ang public transport.
Kaugnay nito ay nanawagan ang grupo sa Department of Transportation (DOT) na buksang muli ang mga lehitimong ruta ng mga jeep na isinara sa kasagsagan ng COVID-19 pandemic.
Nabatid na nasa 170 ruta sa NCR ang hindi pa nabubuksan.
