Pumalo na sa 43 ang bilang ng mga napaulat na nasawi dahil sa pananalasa ng bagyong Agaton.
Ayon sa National Disaster Risk Reduction and Management Council (NDRRMC) sa nasabing bilang, 37 ay mula sa Baybay City, Leyte, tatlo mula sa Negros Oriental, dalawa sa Davao De Oro at isa sa Davao Oriental.
Walo naman ang napaulat na sugatan hapang pito naman ang napaulat na nawawala.
Gayunman, nilinaw ng NDRRMC na isa pa lamang ang kumpirmadong nasawi at isang nawawala habang anim naman ang kumpirmadong nasugatan dahil sa bagyo.
Samantala, umabot na sa kabuuang mahigit 580,000 indibidwal o 213,327 pamilya ang naapektuhan ng bagyong Agaton sa 924 barangay sa Bicol, Western Visayas, Central Visayas, Eastern Visayas, Northern Mindanao, Davao, SOCCSKSARGEN, Caraga, at Bangsamoro.
Nananatili naman sa 348 evacuation centers ang nasa 34,583 indibidwal o 13,788 mga pamilya.