Suportado ng Telecommunications Company na Globe ang pagdiriwang ng National Mental Health Awareness Week tuwing ikalawang linggo ng Oktubre.
Kaya naman bilang pakikiisa ay naglunsad sila ng isang Mental Health Awareness Campaign sa social networking site na Tiktok.
Gamit ang awiting “Better Days 2.0″ nagpadala ng entries ang iba’t ibang tao sa lipunan gaya ng mga frontliners, delivery riders, work-from-home moms, empleyado maging ang mga negosyante at iba pa.
Layon ng Tiktok challenge na ito na maipaalala sa lahat na may magandang bukas na dapat harapin sa darating na mga araw sa kabila ng nararanasang pandemiya.
Sa kabuuang 275 video entries, tumabo ng 168.7 million views ang mga naturang campaign videos na may hashtag na #PlantHappinessPH bilang bahagi ng kanilang #AtinAngSimpleJoys.
