Handang sagutin ng pamunuan ng Light Rail Transit Authority (LRTA) ang lahat ng medical expenses ng mahigit 30 nasaktang pasahero sa naganap na banggaan ng dalawang tren ng LRT-2.
Ito ang tiniyak ni LRTA Administrator Gen. Reynaldo Berroya.
Ayon kay Berroya, kasalukuyang nagpapagaling pa ang ilan sa mga biktima.
Lima (5) umano ang ginagamot sa World Citi Medical Center at Quirino Memorial Center habang ang iba ay nakalabas na ng ospital.
Kasabay nito, muling humingi ng paumanhin si Berroya nangyaring aksidente.
