Nasa 85% ng mga Pinoy ang nagsabing nag-aalala sa kanilang sarili at mga mahal sa buhay na madapuan ng coronavirus disease 2019 (COVID-19).
Ito’y batay sa national mobile phone survey na isinagawa ng Social Weather Station (SWS) noong ika-3 hanggang ika-6 ng Hulyo sa 1,555 adult Filipinos.
Lumabas sa nasabing survey na 67% ng mga Pinoy ang ‘lubos na nag-aalala’, 18% ang ‘medyo nakakaramdam ng pagkabahala’, 8% ang ‘mayroong kaunting pagkabahala’ at 7% ang ‘hindi naman nakakaramdam ng pag-aalala’.
Sa Metro Manila naman naitala ang pinakamaraming Pinoy nag-aalala sa kanilang sarili at mahal sa buhay.
